Պայքարը նրա ազատ արձակման համար դառնում է քաղաքական պայքարի զգալի տարր․ Վիկտոր Սողոմոնյան

20.09.2019
Պայքարը նրա ազատ արձակման համար դառնում է քաղաքական պայքարի զգալի տարր․ Վիկտոր Սողոմոնյան

ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը, արձագանքելով Երևանի ընդհանուր իրավասության դատարանի (Շենգավիթի նստավայր) դատավոր Աննա Դանիբեկյանի մերժումը՝ ՀՀ երկրորդ նախագահ Ռոբերտ Քոչարյանի Փաստաբանական թիմի միջնորդությունը նրա նկատմամբ գրավ կիրառելու վերաբերյալ, ասել է․  

«Հասկանալի է, որ օրենքը Ռոբերտ Քոչարյանի հանդեպ Հայաստանում չի գործում։ Դատարանները, գտնվելով իշխանությունների աննախադեպ ճնշման տակ, ընդունում են անօրինական որոշումներ։ Մենք անգամ գործ ունենք աննախադեպ երևույթի հետ՝ դատարանը ուշադրության չի առել Սահմանադրական դատարանի որոշումը։ Հետևաբար, մենք կարող ենք փաստել, որ գործ ունենք քաղաքական հետապնդման նոր պտույտի հետ Ռոբերտ Քոչարյանի հանդեպ։

Մենք կարող ենք փաստել, որ պայքարը նրա ազատ արձակման համար դառնում է քաղաքական պայքարի զգալի տարր և ներկայացնում է ոչ թե պարզապես պայքար առանձին մարդու ազատության համար, թեև խոսքը անվանի պետական գործչի մասին է, խոսքը հայոց պետականության պաշտպանության, Հայաստանում իրավական պետության պաշտպանության մասին է։ Ահա թե որն է այսօր տեղի ունեցող գործընթացների էությունը։ Դա հասկանալի դարձավ ընդհանուր իրավասության դատարանի երկու որոշումներից հետո՝ նախորդ և այսօրվա։

Հաջորդ շաբաթվա սկզբին մենք կհայտարարենք այն մասին, թե ինչ ձևաչափով ենք շարունակելու քաղաքական պայքարը Հայաստանի երկրորդ նախագահի ազատ արձակման և երկրում իրավակարգի վերականգնման համար։ Դա կիրականացվի բացառապես քաղաքական և օրինական մեթոդներով։ Մանրամասների մասին կտեղեկացնենք հաջորդ շաբաթվա սկզբին»:

Ավելին

13.06.2019

ՀՀ-ում ՌԴ դեսպանը հանդիպել է Ռոբերտ Քոչարյանի հետ

ՀՀ-ում ՌԴ արտակարգ և լիազոր դեսպան Սերգեյ Կոպիրկինն այսօր՝ հունիսի 13-ին, այցելել է «Էրեբունի Պլազա» բիզնես կենտրոնում գտնվող 2-րդ Նախագահի գրասենյակ և հանդիպում է ունեցել Ռոբերտ Քոչարյանի հետ։

Ավելին
07.10.2019

Քաղաքական և հասարակական գործիչները հայտարարություն են տարածել

2rd.am-ի տրամադրության տակ է հայտնվել հայտարարություն, որին միացել են հասարակական, քաղաքական, մշակույթի, սպորտի մի քանի տասնյակ գործիչներ․

Ավելին
31.08.2019

Վազգեն Մանուկյանը շնորհավորել է Ռոբերտ Քոչարյանին

Հանրային խորհրդի նախագահ Վազգեն Մանուկյանը շնորհավորական ուղերձ է հղել ՀՀ երկրորդ նախագահ Ռոբերտ Քոչարյանին՝ 65-ամյակի կապակցությամբ

Ավելին